Trupat inspektuese të Autoritetit Kombëtar të Ushqimit kanë qenë edhe gjatë ditës së sotme në terren, për të inspektuar Operatorët e Biznesit Ushqimor në garantim të sigurisë ushqimore, si dhe monitorime në zbatim të masave për parandalimin e përhapjes së COVID-19.
- Janë kryer 53 monitorime dhe kontrolle zyrtare.
- Ndaj një subjekti me aktivitet “Supermarket” në qytetin e Fierit për tregtim të nënprodukteve të qumështit, me afat të kaluar përdorimi, u vendos masë administrative “Gjobë” në masën e 300 mijë lekëve.
- Janë marrë 6 mostra për kryerjen e analizave laboratorike.
Në kuadër të zbatimit të masave për parandalimin e përhapjes së COVID-19, është vërejtur një sensibilizim në masë të madhe të subjekteve ushqimore, të cilat kanë respektuar të gjitha masat e marra nga Qeveria, të tilla si: pajisjen me maska dhe doreza, përdorimin e dezinfektantëve, mosprerjen e bukës dhe largimin e makinerisë prerëse nga ambientet e punës, si dhe ruajtjen e distancës së sigurisë gjatë blerjeve të bëra.
Autoriteti Kombëtar i Ushqimit do të vijojë të jetë i pranishëm në të gjithë vendin për të garantuar sigurinë ushqimore.
#BashkëPërSigurinëUshqimore
Frikë Aspak, Kujdes Po
