Drejtori i Autoritetit Kombëtar të Ushqimit , Z. Dritan Sejko, ka zhvilluar takime me operatorë të biznesit të cilët, kryejnë aktivitetin e therjes së kafshëve, me qëllim disiplinimin e therjeve të tyre drejt thertoreve të licencuara, që plotësojnë kushtet sipas legjislacionit në fuqi. Z. Sejko duke shprehur prioritetin e qeverisë shqiptare për sigurinë ushqimore, por edhe vullnetin e tij personal , garantoi operatorët e biznesit të thertoreve, se Autoriteti Kombëtar i Ushqimit do të jetë në bashkëveprim me të gjitha strukturat shtetit, si Ministrinë e Bujqësisë, ashtu edhe me Pushtetin lokal për të disiplinuar dhe sistemuar therjen e kafshëve, vetëm në thertore, të cilat plotësojnë kushtet sipas standardeve të përcaktuara me ligj.
Më të tej Z.Sejko tha se “Vetëm duke bashkëvepruar të gjithë aktorët dhe faktorët në këtë proces, do të arrijmë të eliminojmë therjet e pakontrolluara,, jashtë standardeve të përcaktuara, të cilat rrjedhimisht cënojnë edhe sigurinë ushqimore të konsumatorit”.
“Angazhimi maksimal i të gjitha strukturave të shtetit, duke filluar që nga ringritja e Task-Forcës me urdhër të Ministrit të Bujqësisë, Autoriteti Kombëtar i Ushqimit si dhe strukturat e Pushtetit Vendor , do ta finalizojmë me sukses procesin e therjes së kafshëve nëpër thertore të licencuara siç e parashikon ligji”, theksoi Z. Sejko.
21/02/2017
