Autoriteti Kombëtar i Ushqimit ka bllokuar një sasi me salçiçe, të cilat u konstatuan nëpërmjet raport-provës së analizuar në ISUV, me prani të salmonelës spp.
Këto mostra, të cilat dolën me prani të salmonelës janë produkte të prodhuara në ambientet e këtij biznesi, dhe prodhimi i tyre, ishte vetëm për konsum brenda restorantit.
Me marrjen e njoftimit nga ISUV për ketë alert, trupa inspektuese e DRAKU Tiranë, ka bërë bllokimin e linjës së prodhim-përpunimit të këtij produkti dhe asgjësimin e sasinë së bllokuar të produkttit salcice, nga e cila u mor kjo mostër, ku u konstatua prania e salmonelës spp.
Referuar kërkesave të Ligjit nr.9863, datë 28.01.2008 “Për Ushqimin” i ndryshuar, ndaj këtij operatori biznesi, u mor masa administrative gjobë 300.000 lekë, për tregtim të ushqimit të pasigurtë .
Autoriteti Kombëtar i Ushqimit garanton , se kontrollet do të vijojnë në të gjitha OBU-të me aktivitet prodhues, përpunues dhe tregtues , me qëllim sigurinë ushqimore dhe mbrojtjen e konsumatorit.
17/10/2016
