Në vazhdim të inspektimeve të tregjeve të hapura në të gjithë vendin, Autoriteti Kombëtar i Ushqimit gjobiti dy prej tregjeve më të mëdha në Tiranë, të njohura dhe për kushtet e tyre higjeno-sanitare të papërshtatshme.
Drejtoria Rajonale e AKU-së Tiranë, pas inspektimit të kryer, mori masën administrative me gjobë ndaj tregut te Stacioni i Trenit, në Rrugën Skënder Kosturi me përfaqësues Z.Roland Beja, në vlerën 300.000 lekë. E njëjta masë u mor edhe për tregun te “Vasil Shanto” me përfaqësues Z.Lutfi Jashari, po në vlerën 300.000 lekë.
Inspektorët e AKU-së kanë konstatuar, se në të dy rastet, tregjet nuk plotësonin kushtet-higjeno sanitare, te ruajtjes dhe tregtimit të produkteve ushqimore.
03/05/2016
