Drejtoria Rajonale e Autoritetit Kombëtar te Ushqimit, e Qarkut Durrës, gjatë inspektimit që ka zhvilluar ditën e djeshme në zonën e Gjirit të Lalzit, ka dënuar administrativisht në shumën 200.000lek dhe ka konfiskuar një sasi prej 22,8 kg mish ne subjektin I.K, sepse tregtonte mish të pasigurt, konkretisht pa certifikatë veterinare dhe pa gjurmueshmërinë përkatëse.
E veçanta e këtij inspektimi është fakti se, ai është zhvilluar ne kuadrin e denoncimit te ardhur ne Drejtorinë e Përgjithshme të AKU, nga qytetarë qe kanë konstatuar rastin dhe e kanë fotografuar atë.
Me këtë rast AKU, falenderon dhe inkurajon çdo qytetar që ndeshet me ruajtjen, tregtimin, apo transportimin e ushqimeve të çdo lloji, në kushte të papërshtatshme në adresën : info@aku.gov.al, si dhe pranë portalit te bashkëqeverisjes “Shqipëria që duam”
Siguria Ushqimore është një sfidë e përbashkët.
07/05/2018
